Museos
La estación rupestre de La Xorenga ye'l más ampliu conxuntu de grabaos alcontraos n'Asturies.
<p>Ente los conceyos de L.lena y Ayer, na parroquia ayerana de Bo, na vía romana de La Carisa, atópense los Megalitos d'El Padrún, monumentu funerariu formáu por dellos dólmenes, pero del que namái se caltienen dos, anque pueden apreciase restos d'otros.</p>
El Castelón d'Eilao forma parte de la importante rede de poblados que mientres la época altoimperial sirvió de modelu organizativu pa la distribución de la población y la más óptima esplotación de los recursos auríferos de la zona.
Inauguráu n'agostu del añu 2007, el Museo Etnolóxico de Pezós ta dedicáu al vinu y a la forma tradicional de producilo nesti conceyu.
Nel interior de la casa, allugada nesta aldea del conceyu de Taramundi habitada mientres sieglos por families de ferreiros, amuésase una escoyeta de gran interés cultural d'instrumentos y ferramientes d'un caseríu de la contorna.
El Castro de Mouguías asítiase aprosimao a 1 quilómetru de la mariña. Ocupa una llomba d'unos 70 metros d'altor, emplazada na marxe derecha del regueru d'Ortigueira. Foi afayáu nel 1939, pero nun foi escaváu per primer vegada hasta los años 1968 y 1970.
El Conxunto Etnográficu d'Os Teixois data del sieglu XVIII y ta basáu nel aprovechamientu integral de la enerxía hidráulica del ríu. Nél pue visitase una amplia amuesa d'arquiteutura popular formada por casones, cabazos y horros.
Agospiada nun edificiu singular, l'aula foi concebida como un equipu cultural eminentemente didáuticu y divulgativu.
L'aula ta allugada nun antiguu mataderu rehabilitáu, de principios del sieglu XX. Convirtióse nun centru de referencia de vivencies marines, con temes que tomen dende la caza de la ballena na Edá Media hasta la emigración a América.
Baxo les teles protectores de les escavaciones estiéndense los testimonios d'una sociedá qu'algamó hai casi dos mil años un grau de refinamientu urbanu como hasta'l momentu nun se pudo documentar n'otros poblaos vecinos.
Páxines
Zircon - This is a contributing Drupal Theme
Design by
WeebPal.