Museo Etnolóxico de Pezós

Inauguráu n'agostu del añu 2007, el Museo Etnolóxico de Pezós ta dedicáu al vinu y a la forma tradicional de producilo nesti conceyu. La so coleición ta formada por oxetos donaos o vencíos polos viticultores y productores de vinu del conceyu, y por una pequeña parte adquirida pol mesmu Ayuntamientu. La titularidá de les pieces donaes y mercaes ye municipal.

Pezós, al igual que los Conceyos d'Ayande, Cangas, Degaña, Grandas de Salime, Ibias, Eilao y delles parroquies de Tinéu, ta acoyíu a la Indicación Xeográfica Protexida (IXP) Vinu de la Tierra de Cangas.

El muséu ta estremáu en trés partes:

• RECEPCIÓN DE VISITANTES: onde, amás de dar a conocer el conceyu de Pezós por aciu paneles esplicativos y un mapa con tolos sos recursos, faise una introducción a la temática del vinu, que de siguío se desarrolla na SALA INTERPRETATIVA. El serviciu d'Oficina d'Información Turística de Pezós ufiértase tamién na Sala de Recepción.
• SALA INTERPRETATIVA: onde, per aciu de paneles esplicativos, un vídeu, un panel d'interaición y oxetos espuestos en vitrines, danse a conocer la forma tradición de collechar los vinos de Pezós. Los paneles estrémense en dos grupos: 'El Cultivu de la Viña' y 'La Ellaboración del Vinu'. Nesta sala tamién s'esplica la destilación y les variedaes d'uva.
• SALA BODEGA: reproduz una bodega tradicional de Pezós, con tolos oxetos necesarios pa ellaborar el vinu cuando la uva llega a la bodega. Cata de vinu autóctono de Pezós.