Nel interior de la casa, allugada nesta aldea del conceyu de Taramundi habitada mientres sieglos por families de ferreiros, amuésase una escoyeta de gran interés cultural d'instrumentos y ferramientes d'un caseríu de la contorna. Resulta bien interesante poles sos coleiciones d'oxetos antiguos en víes de desaniciu y pola so gran diversidá de pieces (más d'un millar), ente elles, el famosu guinchu de xubir les colleches, n'usu dende la década de los 40, y el cabazu del sieglu XIX, únicu pol so corredor talláu.
Un paséu pola esposición, de 300 metros cuadraos, acompañaos por un guía ye abondo pa conocer les ferramientes construyíes y usaes polos nuesos antepasaos, (la mayoría feches nel conceyu de Taramundi) y imprescindibles pa la subsistencia nuna zona rural (ferramientes de carpintería, cestería, madreñeru, ferrería, etc.).
ESPOSICIONES TEMPORALES
Acompaña a esta amuesa-esposición un interesante taller de forxa onde entá siguen ellaborándose les famoses navayes de M. Lombardía.
direccion:
telefono:
web:
horario:
Iviernu:
Llunes a domingu: 11:00-18:00 h
Branu y pontes:
Llunes a domingu: 11:00-20:00 h
