Petroglifos de La Xorenga

La estación rupestre de La Xorenga ye'l más ampliu conxuntu de grabaos alcontraos n'Asturies. Trátase d'un conxuntu de cazoletes y antropomorfos grabaos nuna serie d'apaiciones intermitentes de pizarra, disponiéndose los distintos agrupamientos petroglíficos a lo llargo d'unos 500 metros, de manera aproximada.

Fundamentalmente son trés conxuntos asitiaos sobre otros tantos crestones los qu'arrexunten a la casi totalidá de los grabaos.

Conxuntu 1. Asitiáu nel encruz del camín de Xestoselo a Llandecarballo col que vien de Padraira, sobre él reconociéronse, al menos, cincuenta y tres cazoletes, dellos canaletos y trés antropomorfos.

Conxuntu 2. Asitiáu al comienzu del camín hacia Llandecarballo que surde de la pista de Nogueiróu, les más de cincuenta cazoletes contabilizaes distribúinse per tola so superficie, comunicaes en munchos de los casos por numberosos canaletos. Amás, hai que destacar la esistencia de cuatro antropomorfos, trés d'ellos perbién calteníos y l'otru de más mala identificación.

Conxuntu 3. Sobre la roca dispónse un conxuntu de polo menos cuarenta cazoletes, canaletos y un antropomorfu.

Zircon - This is a contributing Drupal Theme
Design by WeebPal.