Museos
El Conxunto Etnográficu d'Os Teixois data del sieglu XVIII y ta basáu nel aprovechamientu integral de la enerxía hidráulica del ríu. Nél pue visitase una amplia amuesa d'arquiteutura popular formada por casones, cabazos y horros.
Asitiáu en Puertes de Vidiago, a doce quilómetros de Llanes, atópase l'Ídolu de Peñatú, un crespón d'arenisca que destaca al oeste de la Sierra de La Borbolla, nuna redolada onde se caltienen unos cincuenta túmulos.
Nel muséu represéntense la forma de vida y les tradiciones d'esta zona, qu'hasta hai pocos años permencíen vives y anguaño yá formen parte de la historia.
ESPOSICIONES PERMANENTES:
Coleición museográfica de calter etnográficu, con unes 2.000 pieces sobre los llabores del castru y preseos de la vida diaria allugaos nuna antigua casa de llabradores y ganaderos del sieglu XVII. La vivienda consta de cocina con llareira, habitación y una sala o salón, con tolos sos enseres.
El Centru d'Interpretación de la Ría del Eo ta asitiáu na Antigua Fábrica de Serrasa, en Castropol.
El Centru d'Interpretación de la Fauna Glaciar y La Cuevona asítiase a la entrada del pueblu d'Avín, y alluguen delles reproducciones de mamuts, un venáu xigante, rinoceronte llanudu, etc., amás de los restos fósiles d'un Coleodonta descubiertu na cueva cercana de La Peruyal.
L'edificiu de l'Antigua Cárcel d'Uviéu ta asitiáu en Ciudá Naranco. Identifícase pola cúpula, el remate del centru de la 'estrella' que formen les sos galeríes.
El castru del Picu San Ḷḷuis, en Samartín de Beduléu, conceyu d'Ayande, foi descubiertu por José Lombardía Zardaín, vecín d'Ayande. Les primeres escavaciones desenvolviéronse mientres 1962 y 1963 baxo la direición compartida d'Elías Domínguez y Francisco Jordá.
El Castelón d'Eilao forma parte de la importante rede de poblados que mientres la época altoimperial sirvió de modelu organizativu pa la distribución de la población y la más óptima esplotación de los recursos auríferos de la zona.
Páxines
Zircon - This is a contributing Drupal Theme
Design by
WeebPal.
