p>
El Parque Arqueolóxicu y Natural Campa Torres atópase nel conceyu de Xixón, al pie de la mariña, y tien 50.000 metros cuadraos. El castru consta de delles árees estremaes: l'edificiu de recepción, asitiáu a la entrada del parque, el xacimientu arqueolóxicu y l'edificiu principal, construyíu nun antiguu búnker de la Guerra Civil.
El xacimientu ocupa l'estremu occidental del cabu Torres y nél estrémense dos sectores: el más eleváu correspuende a les estructures defensives, un foso talláu na roca, un contrafosu y la muralla, formada por módulos rectangulares d'esquines arrondies.
Nel sector inferior el poblamientu distribúise en cases de planta mayoritariamente rectangular, con delles dependencies, construyíes en piedra y pavimentaes con pequeños cantos. Alcontráronse trés pozos pal suministru d'agua, revistíos con mampostería y con escalinates descendentes. Baxo'l nivel de pavimentu de delles cases afayáronse fornos de fundición de bronce.
