Coleición Etnográfica de Rozadas

Coleición museográfica de calter etnográficu, con unes 2.000 pieces sobre los llabores del castru y preseos de la vida diaria allugaos nuna antigua casa de llabradores y ganaderos del sieglu XVII. La vivienda consta de cocina con llareira, habitación y una sala o salón, con tolos sos enseres.

Cuenta igualmente con una capiella de la orde de los franciscanos del sieglu XVII. Presídela la virxe de la Portalea (virxe del portal de Belén), presidida por un retablu policromáu, na parte superior San Francisco d'Asís y na parte inferior, empezando pela izquierda, San Antonio; nel centru, la virxe de la Portalea; y a la derecha, San Benitu. Créese que nesti llugar esistía un conventu franciscanu con 5 o 6 flaires, con bodega de vinu y fornu de cocer el pan.