Museos
Datada na década de los 20, promovida pola firma de capital vascu Hulleras de Turón, ye una obra d'inxeniería na que la so amenorgada escala y la so magnífica restauración dexen entender el funcionamientu d'estes instalaciones y lo que foi la historia industrial de la zona.
Esti centru atópase nuna casona rural de dos plantes llevantada nel sieglu XVIII, qu'esperimentó socesives ampliaciones y cambios. L'edificiu ta compuestu de trés cuerpos, el central más adelantáu, y dos llaterales nos que destaquen los corredores de la primer planta.
L'aula ta allugada nun antiguu mataderu rehabilitáu, de principios del sieglu XX. Convirtióse nun centru de referencia de vivencies marines, con temes que tomen dende la caza de la ballena na Edá Media hasta la emigración a América.
Nel interior de la casa, allugada nesta aldea del conceyu de Taramundi habitada mientres sieglos por families de ferreiros, amuésase una escoyeta de gran interés cultural d'instrumentos y ferramientes d'un caseríu de la contorna.
Bual, como munchos conceyos asturianos, foi tradicionalmente tierra d'emigrantes y la Sociedad de Naturales del Concejo de Boal en La Habana foi una de les más importantes asociaciones d'estes carauterístiques na so dómina.
El dolmen de la Santa Cruz ye un monumentu funerariu del añu 4000 a.C., formáu por un montículo artificial que tien nel so interior una cámara sepulcral compuesta por dellos llábanos de piedra.
El castru de San Isidro alcuéntrase sobre la llinia de cumes que señala la divisoria alministrativa ente los conceyos de Pezós y Samartín d'Ozcos, a unos 600 metros d'altitú.
p> La Colexata de Cuadonga ta allugada nuna plaza de la redolada de la Basílica de Cuadonga. La Colexata de San Fernando ocupa'l llau izquierdu de la mesma, mentes que'l frente y el llau derechu son construcciones contemporanees.
L'Aula Didáutica del Parque Arqueolóxicu de la Cuenca del Navia intenta averar al visitante a la comprensión de lo que se dio en llamar ''Cultura Castreña del Noroeste''.
Páxines
Zircon - This is a contributing Drupal Theme
Design by
WeebPal.