Museos
El Castro de Mouguías asítiase aprosimao a 1 quilómetru de la mariña. Ocupa una llomba d'unos 70 metros d'altor, emplazada na marxe derecha del regueru d'Ortigueira. Foi afayáu nel 1939, pero nun foi escaváu per primer vegada hasta los años 1968 y 1970.
Esti centru recueye la historia de l'artesanía del fierro nel conceyu de Bual y el so comercialización, una gran actividá que s'estendió mientres los sieglos XVIII y XIX.
Esti equipamientu, con una esistencia que respuende a la esmolición qu'hai n'Asturies pel mundu marín, apurre una completa visión de les distintes actividaes, documentación, bibliografía y imáxenes de la vida marítima.
El Muséu Antón, inauguráu en xunetu del 1989, ta dedicáu a la figura del escultor Antonio Rodríguez García (1911-1937), asina como a la escultura en toles sos manifestaciones.
El Conxunto Etnográficu d'Os Teixois data del sieglu XVIII y ta basáu nel aprovechamientu integral de la enerxía hidráulica del ríu. Nél pue visitase una amplia amuesa d'arquiteutura popular formada por casones, cabazos y horros.
Inauguráu n'agostu del añu 2007, el Museo Etnolóxico de Pezós ta dedicáu al vinu y a la forma tradicional de producilo nesti conceyu.
El Castelón d'Eilao forma parte de la importante rede de poblados que mientres la época altoimperial sirvió de modelu organizativu pa la distribución de la población y la más óptima esplotación de los recursos auríferos de la zona.
Nel muséu represéntense la forma de vida y les tradiciones d'esta zona, qu'hasta hai pocos años permencíen vives y anguaño yá formen parte de la historia.
ESPOSICIONES PERMANENTES:
El castru del Picu San Ḷḷuis, en Samartín de Beduléu, conceyu d'Ayande, foi descubiertu por José Lombardía Zardaín, vecín d'Ayande. Les primeres escavaciones desenvolviéronse mientres 1962 y 1963 baxo la direición compartida d'Elías Domínguez y Francisco Jordá.
Una villa romana ye una esplotación agropecuaria con dos partes estremaes: la zona residencial o pars urbana y la pars rústica.
Páxines
Zircon - This is a contributing Drupal Theme
Design by
WeebPal.