Museos
El Conxunto Etnográficu d'Os Teixois data del sieglu XVIII y ta basáu nel aprovechamientu integral de la enerxía hidráulica del ríu. Nél pue visitase una amplia amuesa d'arquiteutura popular formada por casones, cabazos y horros.
El Muséu Costumbrista Benjamín Pumarada ta asitiáu en ""La Panerona"" de l'área recreativa de Cenera.
El Centru d'Interpretación de la Fauna Glaciar y La Cuevona asítiase a la entrada del pueblu d'Avín, y alluguen delles reproducciones de mamuts, un venáu xigante, rinoceronte llanudu, etc., amás de los restos fósiles d'un Coleodonta descubiertu na cueva cercana de La Peruyal.
Esti megalitu, conocido popularmente como la Hucha, ta semienterráu y arrodiáu d'un círculu de piedres. Trátase d'un dolmen de cámara simple, orientáu aproximadamente en direición norte-sur y llevantáu con un material pizarrosu.
El castru del Picu San Ḷḷuis, en Samartín de Beduléu, conceyu d'Ayande, foi descubiertu por José Lombardía Zardaín, vecín d'Ayande. Les primeres escavaciones desenvolviéronse mientres 1962 y 1963 baxo la direición compartida d'Elías Domínguez y Francisco Jordá.
Coleición museográfica de calter etnográficu, con unes 2.000 pieces sobre los llabores del castru y preseos de la vida diaria allugaos nuna antigua casa de llabradores y ganaderos del sieglu XVII. La vivienda consta de cocina con llareira, habitación y una sala o salón, con tolos sos enseres.
Nel muséu represéntense la forma de vida y les tradiciones d'esta zona, qu'hasta hai pocos años permencíen vives y anguaño yá formen parte de la historia.
ESPOSICIONES PERMANENTES:
El castru de San Isidro alcuéntrase sobre la llinia de cumes que señala la divisoria alministrativa ente los conceyos de Pezós y Samartín d'Ozcos, a unos 600 metros d'altitú.
El Muséu Antón, inauguráu en xunetu del 1989, ta dedicáu a la figura del escultor Antonio Rodríguez García (1911-1937), asina como a la escultura en toles sos manifestaciones.
Bual, como munchos conceyos asturianos, foi tradicionalmente tierra d'emigrantes y la Sociedad de Naturales del Concejo de Boal en La Habana foi una de les más importantes asociaciones d'estes carauterístiques na so dómina.
Páxines
Zircon - This is a contributing Drupal Theme
Design by
WeebPal.
