Esti castru ye ún de los más importantes d'Asturies, con restos que s'atopen xunto a ríu Pendia.
Ye una bona amuesa d'allugamientu fortificáu nel que prima la posición estratéxica sobre cualesquier otru criteriu, yá que paez desproporcionada la fortificación frente al recintu que la protexía. El pobláu taba formáu per dos espacios distintos: l'acrópolis y el pobláu, separtaos por una muralla que remata en torre nel puntu más altu del recintu y dende onde se vixila tol conxuntu. Nel más baxu esistió una edificación allargada, única, mientres que nel otru obsérvense les clásiques construcciones circulares a les que se sumen otres dos, rectangulares y zarraes, al menos una, pol sistema de falsa cúpula.
Les investigaciones arqueolóxiques recientes paecen ponelos en rellaición col interés amosáu polos romanos na esplotación de los xacimientos auríferos del occidente asturianu.
