La ermita de Santa Cristina de Ḷḷena, asitiada sobre una llomba que domina'l valle del ríu Ḷḷena, ta ensin dulda rellacionada coles obres del Naranco, anque detecta mayor tosquedá ornamental.
Pudo desenvolvese na dómina de Ramiro I (842-850) o na del so sucesor Ordoño I (850-866), pero siempre con posterioridá al maestru que crea l'estilu ramirense.
La so estructura difier de les d'otres ilesies de la monarquía asturiana. Consta d'una nave única, rectangular con cuatro pequeños salientes, tamién rectangulares, ún nel centru de cada muriu esterior (pórticu, cabecera y divisiones llaterales).
Tolos espacios tán abovedaos con bóveda de cañón sobre arcos de refuerciu, y la construcción ta reforzada al esterior con numberosos contrafuertes.
La nave tien cinco tramos, definíos polos arcos de refuerciu que se sofiten nuna arquería ciega que percuerre los murios llaterales. La cabecera ta constituyida por un cuerpu saliente. El so pavimentu y el del últimu tramu de la nave tán más elevaos y xúbese a ellos al traviés de dos escaleres llaterales.
Esti espaciu ta separtáu de la nave por un gran iconostasis formáu por trés arcaes sobre capiteles y columnes, decoráu con güecos rectangulares zarraos por celosíes calaes y un canciellu visigodu.
Fecha de construcción:
Conceyu:
- Lena
