La Foncalada

Únicu exemplu de construcción de caráuter civil del prerrománicu.

La fonte de Foncalada data del sieglu IX y foi construyida mientres el reináu d'Alfonso III El Magnu (866-910). Constitúi l'únicu exemplu de construcción de calter civil con fines d'utilidá pública de l'Alta Edá Media.

Protexe'l nacimientu d'un manantial d'agua potable que brota del mesmu suelu y que se recueye nuna piscina cubierta por un cuerpu de sillería, de planta rectangular con arcu y bóveda de cañón peraltada, con una parte superior rematada en doble aguada, a norte y a sur, y que termina lateralmente n'imposta llisa en moldura cóncava con seición formada por dos arcos de circunferencias distintes, más ancha na so parte inferior.

La fachada principal mira al este y nel so frontón ta esculpida en relieve la Cruz de la Victoria cola alfa y la omega colgando de los sos brazos. L'arcu semicircular ta peraltáu y espiezáu en grandes doveles de piedra.

Hacia'l 1848 la Comisión de Monumentos reparó la fonte y seguramente tapióse l'arcu posterior.

Más información sobre prerrománico asturiano

Fecha de construcción: 

Sieglu IX

Conceyu: 

  • Oviedo/Uviéu

Dirección: 

C/ Foncalada (esquina C/ Gascona)

Web: 

http://www.prerromanicoasturiano.es/es/26/monumentos/46/en-oviedo/56/foncalada.html
Zircon - This is a contributing Drupal Theme
Design by WeebPal.