Ilesia de San Tirso el Real

Fundada nel sieglu IX, sufrió socesivas remodelaciones nos sieglos XII, XVI, XVIII y XX.

De la so antigua fábrica prerrománica namái caltién la parte superior del muriu testeru, de piedra llabrada con dimensiones que nun lleguen al so espesor, con medayones nos estremos del so bistechu y cubierta a dos agües. Tien un ventanal, con columna nel centru, de trés güecos formaos por trés arquinos semicirculares de lladriyu sobre cuatro pequeñes columnes de mármol con capiteles de tipu romanu, enmarcáu por un alfiz formáu por una moldura.

A cada llau de la parte superior d'ésti, sobresalen dos piedres con un furacu nel centru. Probablemente sirviríen de terlices pa les puertes que zarraben la ventana.

La ilesia consta de trés naves separtaes por pegollos de seición cuadrada sobre los que sofiten arcos de mediu puntu y apuntaos. La nave central cúbrese con bóveda d'aresta nervada y de cañón con lunetos nos llaterales.

La capiella llateral del Evanxeliu, con bóveda de crucería, ye de finales del sieglu XVI y la de la Epístola, del sieglu XVIII.

Más información sobro prerrománicu asturianu

Fecha de construcción: 

Sieglu IX

Conceyu: 

  • Oviedo/Uviéu

Dirección: 

Pza. de Alfonso II. 33003 Uviéu

Teléfono: 

985 220 702

Web: 

http://www.prerromanicoasturiano.es/es/26/monumentos/46/en-oviedo/59/san-tirso-el-real.html
Zircon - This is a contributing Drupal Theme
Design by WeebPal.