Ilesia de San Miguel de Lliñu

Referente de la decoración escultórica del Prerrománicu.

L'edificiu que güei contemplamos correspuende a un terciu aprosimao de la edificación primitiva. Mientres la baxa Edá Media, la ilesia esbarrumbóse en parte, reconstruyéndose entós la cabecera actual. Güei ta en pie'l pórticu primitivu y ún de los tramos de la nave orixinal.

Esteriormente les murios son percorríes por contrafuertes y nelles ábrense güecos que s'adornen con celosíes de piedra completamente trabayaes. De la totalidá de celosíes del monumentu, caltiénense cuatro orixinales.

L'interior ta estremáu en trés naves, que se dixebren per vegada primera per mediu de columnes altes en llugar de pegollos. Les columnes sofiten sobre bases decoraes colos símbolos de los evanxelistes. Los grandes capiteles onde sofiten les arqueríes tán decoraos por motivos d'orixe bizantín y norteafricanu.

A los pies de la nave, sobre l'antiguu pórticu, asítiase una tribuna. A ella llégase por un güecu decoráu por pilastres de mármol, xubiendo unas estreches escaleruques de piedra.

Na tribuna hai cuatro arquiellos, que correspuenden a otres tantes puertes, decoraos con motivos de tradición visigoda.

Tol interior ta abovedáu y sobre la parte de la bóveda que cubre la tribuna hai un compartimientu inaccesible, allumáu de manera esterna por una celosía circular, qu'apurre una gran esbeltez al edificiu.

Xunto con Santa María del Naranco conformen lo que se conoz como'l Prerrománicu del Naranco.

Más información 

Conceyu: 

  • Oviedo/Uviéu

Dirección: 

Monte Naranco

Teléfono: 

638 260 163 Guía

Web: 

http://www.prerromanicoasturiano.es/es/26/monumentos/46/en-oviedo/58/san-miguel-de-lillo.html
Zircon - This is a contributing Drupal Theme
Design by WeebPal.