Un Monumentu Natural, con especies úniques y gran guapura paisaxística
El Monumentu Natural de Vega y Entrepeñes reconoz tola redolada que s'abre alredor d'esta sablera: los cantiles, el complexu dunar... Contién elementos de gran valor botánicu, como por casu les mosquines doraes, una planta que namái s'alcontró nesti puntu de la mariña asturiana.
L'arenal en sí ye ún de los más estensos del país y ta partíu pola desaguada d'un pequeñu regueru. Al ser bien abiertu, suel tar batíu por un fuerte aguaxe. L'estremu más occidental ye frecuentáu por nudistes y nel más oriental caltiénense buelgues de dinosauriu.
observaciones:
- Arena dorao
