Un aislláu territoriu virxe de cantos rodaos y arena
Una sablera virxe, aisllada y tranquila. Asina ye la playa de Ballota, tamién llamada Ruicabo o Ricabo n'honor al ríu Cabo que desagua nella y que sirve de llende ente'l conceyu de Cuideiru y el de Valdés.
Trátase d'una tira estrecha, bordiada de cantiles y con un accesu a pie d'unos 25 minutos, dende l'área de descansu onde se pue aparcar. Por ello, quiciabes, tien un grau d'ocupación baxu. La sablera atópase dientro del Paisaxe Protexíu de la Mariña Occidental y nun dispón d'equipamientos.
observaciones:
- Bolos
