Sablera escavada na roca que sirve de llende a Llanes y Ribeseya
La playa d'Aguamía ye un exemplu de paisaxe kársticu modeláu pel agua. Ye una sablera allargada, escavada na roca pel mar y que tien nes cueves de les paredes acantilaes el meyor exemplu de la so porosidá. La salida a la mar malpenes ye visible dende'l sable. En pleamar adopta la forma d'una enorme piscina natural. En baxamar ye necesario salir hasta la llende de los cantiles pa dase un bañu.
Ta arrodiada de praderíes y ye totalmente natural. El so gran interés paisaxísticu súmase al so cenciellu accesu dende Llames de Pría.
observaciones:
- Sable dorao
