Festival de Danza: Yo, Carmen

COMPAÑÍA MARÍA PAGÉS

MÚSICA: G. BIZET, S. IRADIER, R. LEVANIEGOS, S. MENEM, D. MOÑIZ, M. PAGÉS
COREOGRAFÍA: M. PAGÉS

María Pagés ye reconocida internacionalmente pol so personal conceutu estéticu del arte flamenco. Entiende l'arte como daqué ilimitáu y conquistó el so llugar na danza mundial. En 1990 crea la so propia compañía, que per primer vegada va actuar nel Festival de Danza d'Uviéu. Pagés propón una reflexón coreográfica que confronta el mitu d'aquel personaxe que G. Bizet envolubró cola so música na so ópera Carmen. Este ye'l puntu de partida d'un espectáculu que pretende desarmar estereotipos, calteníos a lo llargo de los sieglos pa callar la esencia de la muyer real. Una muyer falando de les muyeres, colos mil y una arestes que les conformen.
La propuesta de Pagés busca quitar al públicu de la imaxe prefabricada nel nuesu universu cultural, pa llevantar sobre l'escenariu una más certera. Al tiempu, non yá esquiza'l deséu como una responsabilidá ética, reivindica la vida, el placer, l'autonomía, la llibertá y la felicidá como derechos de too ser humanu. Yo, Carmen ye una de les últimes creaciones de Pagés, estrenada nel Teatru Calderón de Valladolid en 2014, mesmu añu del estrenu internacional en Esplanada - Teatros na Badea de Singapur.