Esta ye la meyor viesca de sufreiros d'Asturies, n'estáu de recuperación. Tien dellos exemplares nuevos qu'invaden la zona de carba apegada.
La sufreral estrémase en dos núcleos principales y dellos pequeños conxuntos d'árboles más o menos aisllaos. La zona más destacable, tanto n'estensión como polos magníficos exemplares qu'alluga, atópase ente'l pueblu y la pista d'accesu al mesmu. La otra zona, al oeste de Boxu, forma una llinia estrecha y allargada.
![](https://asturiactiva.com/sites/default/files/MonumentoAlcornocalBoxu1.jpg)
Información:
Localización:
Los Sufrerios de Boxu alcuentrense nel conceyu d'Allande, na localidá de Boxu, sobre'l ríu Lloreo na fastera sur de la sierra de Muniellos.