Muséu Nicanor Piñole

El muséu ta allugáu nel antiguu Asilu Pola, proyeutáu a principios del sieglu XX por Luis Bellido y construyíu baxo la direición de Miguel García de la Cruz. Ésti ta consagráu casi n'esclusiva a la obra del artista xixonés, que finó nel 1978, a los cien años d'edá. L'arrogante donación de la viuda del pintor, Enriqueta Ceñal Costales, y l'interés de les instituciones, fixeron posible la creación d'esti muséu que caltién ente los sos fondos una importante coleición de más de seis mil dibuxos.

Posteriormente la coleición fundacional arriquecióse colos fondos depositaos pol Muséu Casa Natal de Xovellanos y el Muséu de Belles Artes d'Asturies. El discursu espositivu articúlase siguiendo criterios cronolóxicos y temáticos y inclúi, amás de los dibuxos, dalgunes de les pintures más representatives de les distintes etapes de la so carrera artística. L'allugamientu del muséu, na actual plaza d'Europa, asitia la obra del pintor nel mesmu contestu urbanu nel que práuticamente trescurrió tola so vida.

direccion: 

Plaza d'Europa, 2833206 , Xixón

telefono: 

985 359 594 / 985 181 019

web: 

http://museos.gijon.es

horario: 

Martes a vienres: 9:30-14:00 y 17:00-19:30 h
Sábados, domingos y festivos: 10:00-14:00 y 17:00-19:30 h

El Muséu tará peslláu tolos llunes del añu, e 1 y 6 de xineru, martes d'Antroxu, 15 d'agostu y 24,25 y 31 d'avientu.

Zircon - This is a contributing Drupal Theme
Design by WeebPal.