Muséu Juan Barjola

El Muséu Barjola ocupa l'antiguu complexu de La Trinidá: per un sitiu; la casa palaciu de Xove, de la que malpenes se caltién la fachada principal, y per otru, la capiella de La Trinidá, un fantásticu exemplu del barrocu xixonés del sieglu XVII, de la que sí se caltuvo la fachada y l'estructura principal.

El muséu consta de cuatro plantes, con un gran antepar d'entrada que dexa observar y esfrutar de tol altor y la lluminosidá del edificiu. Nes trés plantes cimeres espónse parte de la obra de Juan Barjola, centrada ente mediaos de los años 50 y postreros de los 80. Los cuadros más antiguos espónense na planta superior. La baxa sirve d'escenariu pa ún de los grandes cuadros de la esposición, 'El muro de las otras lamentaciones', al pie de la recepción del muséu y les oficines.

Na Capiella de la Trinidá asítiense les esposiciones temporales, con especial atención a la escultura.

ESPOSICIONES PERMANENTES
La obra donada a Asturies pol pintor estremeñu Juan Barjola. Nes trés plantes cimeres espónse parte de la obra de Juan Barjola, centrada ente mediaos de los años 50 y postreros de los 80. Los cuadros más antiguos espónese na planta cimera, sacante un autorretratu del 1950 que pue vese nel antepar. La obra correspondiente a los años 60 y, sobre manera, la de los prolíficos años 80, ye espuesta nes plantes primera y segunda. Na baxa atópase 'El muro de las otras lamentaciones'.

ESPOSICIONES TEMPORALES
El muséu celebra aprosimao 6 esposiciones d'escultura al añu, asina como otres actividaes más llocales, como pue ser Salón del Cómic o amueses de filatelia.