La singular construcción troncocónica d'unos 45 metros d'altor conforma un espaciu circular distribuyíu en dos pisos y cubiertu por un llucernariu qu'ufierta una vertixinosa vista de les paredes de la gran chimenea.
El percorríu peles sos sales fálanos d'una dómina y un territoriu marcáu pola gran aventura industrial de D. Pedro Duro, qu'a mediaos del sieglu XIX creó en La Felguera una fábrica siderúrxica pionera n'Estáu.
Na primer planta atópase la parte espositiva centrada nel procesu de fabricación del aceru; amás de los espacios de recepción, tienda, cafetería... Una magnífica maqueta de la fábrica recibe al visitante, que va poder amás esfrutar del videu sebro'l procesu siderúrxicu.
Na segunda planta, paneles, interactivos, maquetes y la coleición propiamente dicha, avérennos al territoriu de les cuenques mineres, orixe y desenvolvimientu de la minería y la siderurxa n'Asturies y les condiciones de vida y trabayu de los obreros a principios de sieglu XX.
La visita al interior del muséu compleméntase con rutes guiaes, como la visita al barriu Obreru nel que s'amuesa l'interior d'una vivienda obrera, y la ruta ""La Máquina y el Tiempu"", que nos permite visitar una nave industrial na que nel so interior vamos atopar un conxuntu de máquines ferroviaries de tracción a vapor restauraes apocayá, qu'emprestaron los sos servicios dientro de la mesma fábrica.
direccion:
telefono:
web:
horario:
Martes a sábadu y festivos: 10:00-14:00 y 16:00-19:00 h
Domingu : 10:00-14:00 h.
Llunes pesllao
Les actividaes llúdiques son tolos sábados con horariu de 11:30 a 13:30 pa neños ente 4 y 12 años.
