Muséu Arqueolóxicu d'Asturies

El Muséu Arqueolóxicu d'Asturies ta instaláu nel antiguu monesteriu benedictín de San Vicente, del sieglu XVI, edificiu íntimamente venceyáu a la historia d'Uviéu, y nel que vivió y escribió toles sos obres el Padre Benito Feijoo (1676-1764).

Al traviés de la so coleición permanente, el Muséu ufierta xuna llectura de la historia a la lluz de los más recientes descubrimientos arqueolóxicos fechos nel país. Nel centru nuevu buscóse'l rigor científicu y museográficu al traviés de la revalorización de numberosos oxetos orixinales interpretaos nel so contestu xeo-históricu.

La esposición organízase nes trés plantes del edificiu y nella amuésense les principales etapes culturales, dende la Prehistoria hasta los alboreceres de la Edá Moderna. El filo conductor de la secuencia histórica complétase con una seición específica destinada a la historia de la formación del muséu que, nel casu d'Asturies, trescuerre de forma paralela a los comienzos de l'arqueoloxía científica nel país. La visita inclúi una sala dedicada al espardimientu de los testimonios asturianos declaraos Patrimoniu Mundial como son les cueves prehistóriques con arte rupestre y los monumentos del Reinu d'Asturies.

La esposición permanente utiliza dellos elementos d'interaición y otros tradicionales como les maquetes en trés dimensiones, dibuxos de detalles técnicos y otros con reconstrucciones, mapes y audiovisuales que dexen ampliar la introducción testual a cada apartáu.

direccion: 

C/ San Vicente, 5. 33003 Uviéu

telefono: 

985 208 977

web: 

http://www.museoarqueologicodeasturias.com
Zircon - This is a contributing Drupal Theme
Design by WeebPal.