El Centro d'Artesanía de Bres allúgase na antigua Casona de Villanueva, nel centru de Bres, a cinco quilómetros de la capital del conceyu.
Esti centru foi concebíu como una instalación que facilite la conocencia y la puesta en valor de les actividaes artesanales, tanto les nueves como les tradicionales de la contorna.
El centru cuenta con trés árees estremaes: zona de talleres, zona d'esposición y venta, y aula de formación. D'esta miente apúrrese un llugar afayadizu de trabayu pa los artesanos y una redolada onde'l visitante pueda conocer de primer mano los procesos d'ellaboración de les distintes artesaníes ellí instalaes. Asina mesmu preténdese qu'esti espaciu sirva de foru pal diálogu, formación y intercambiu de conocencies ente los profesionales del sector.
direccion:
horario:
Miércoles a llunes:
11:00-14:00 y 16:00-20:00 h.
Martes piesllao (esceuto agostu)
