Casa de l'Apicultura

El Conceyu de Bual, cola creación de la Casa l'Apicultura, pretende: ufiertar servicios d'asesoramientu y formación a los apicultores, asina como crear una coleición museográfica de temática apícola pa espublizar l'antiguu arte de criar abeyes y caltener coles mesmes toes aquelles pieces rellacionaes cola apicultura tradicional.

La Casa l'Apicultura cuenta con una sala d'audiovisuales, una biblioteca especializada y una esposición permanente, que ye ún de los sos atractiivos principales.

Dicha esposición, de calter apícola, reflexa la evolución de les distintes téuniques utilizaes na zona na última centuria. Atópase ilustrada por paneles de la obra "Les abeyes, el miel y la cera na sociedá tradicional", de Xuaco López Álvarez.

Tamién cuenta con un centenar de pieces antigües y modernes rellacionaes cola apicultura.

La visita convídanos a cavilgar sobre l'autosuficiencia del caseríu asturianu, el papel que xugaben el miel y la cera, cómo s'estrayía, ónde y cómo s'asitiaben los truébanos... Sobre la evolución y el pasu al usu de l'apicultura moderna, la organización de la colonia, les téuniques d'estraición nueves, los productos del truébanu y les sos aplicaciones actuales.

La visita complétase cola proyeición d'un audiovisual monográficu sobre'l miel y la cera.

direccion: 

Ctra. xeneral Los Mazos, 33720. Bual

telefono: 

985 620 629

horario: 

Branu

Martes a sábadu: 10:30 - 14:30 y 15:30 - 16:15 h.
Domingu: 11:00 - 14:00 h.

Llunes piesllao

Zircon - This is a contributing Drupal Theme
Design by WeebPal.