Zumiriki

Un oxetu preciosu y precisu. Asina definía Luis Martínez en 'El Mundo' a 'Zumiriki' con motivu de la so presentación en Venèsia.

'Zumiriki', que n'eusquera significa 'isla nel centru del ríu', ciertamente, ye una esperiencia. L'alcuentru evocador d'un home col so pasáu, de la viesca na que xugaba de neñu y onde'l so pá rodaba películes en Super 8. Y ye también cómica y didáutica.

La película cuenta la historia d'un náufragu aislláu nes viesques del Pirinéu navarru per cuatro meses, d'una persona que tien como oxetivu reconeutar cola naturaleza y la so infancia. El direutor de Venèsia dixo na presentación del festival que 'Zumiriki' yera “incalificable y sorprendente”. Tanto que “esi calificativu últimu reservábalu namái pa ella y nenguna película más d'esa edición”.

El direutor Oskar Alegria va tener un alcuentru col públicu asistente a la proyeición d'esti filme.

Añu: 2019.

Llargor: 122 minutos.

Idioma: versión n'eusquera y castellanu subtitulada en castellanu y inglés.

Estáu: España.

Direutor: Oskar Alegria.

Guión: Oskar Alegria.

Fotografía: Oskar Alegria.