VII Alcuentros de Músiques Asturianes: 'Muévilo trad.'

Como complementu a les actuaciones musicales de los VII Alcuentros de Músiques Asturianes, y nos cuatro centros municipales integraos onde se desenvuelven, van llevase alantre estos talleres de baille tradicional, que tienen la peculiaridá d’emplegar melodíes y ritmos más actuales. Talleres abiertos al públicu, de la mano de Pau Santirso, profesional con más de venti años d’esperiencia en dellos grupos de baille tradicional y etnográficu, anguaño direutor del Grupu de Baille Xeitu y de la so Escuela y del grupu Nocéu de Trubia, y collaborador con artistes relevantes como Hevia o Rodrigo Cuevas.

Tradición y modernidá, ensin dulda una forma diferente de ver y esfrutar de la cultura asturiana y d’exercitar cuerpu y mente.