Universario de Marcel Gros

Un pequenu universu de lletres vocales, que se tresformen n'elementos arquiteutónicos y paisaxes, ye onde habita un interesáu personaxe al que-y gusta suañar despiertu, xugar coles pallabres y los oxetos y tresformar la realidá a base de risa ya imaxinación. La realidá tresformase n'espectáculu con un llinguaxe allegre, especial, imaxinativu, orixinal y únicu, que conecta colos espectadores sía como quier la so edá. Pasen y vean un presentador impresentable, un mimu parlante, un concertista esconcertante, un ilusionista ilusionáu, un oriental desnortiáu y un astronauta tresmandáu... ¡Feliz universario!


Marcel Gros, dempués de pasar por estremaes esperiencies nel mundu del espectáculu, empieza en 1991 el so camín en solitariu. El fechu de tar solu nel escenariu déxa-y una llibertá de creación que, ensin perder la esencia del payasu, puede tener la ironía d'un bufón y el contactu col públicu d'un showman. Los sos espectáculos, siempres de creación propia, escuerren la orixinalidá; son elementales y excéntricos. Ye tienru, irónicu, positivu y de la mesma críticu, soñador, poéticu y fértil inventor d'inxenios bien risonderos. Foi estremáu colos siguientes premios: Fenomenal, premio Rialles 98; Standby, meyor espectáculu Fira Tàrrega 2000; Inventari, meyor espectáculu Mostra Igualada 08; La gran a…ventura meyor espectáculu Castiella La Mancha @2012, Mención d'honor nel Festival Internacional de Payasos Cornellà 2000 y premiu Bages Cultura 2001. Ye amás coautor y director de seis espectáculos de Teatre Mòbil.