Thurston Moore

Thurston Moore treslladase a NYC a los dieciocho años, en 1976, atraíu pola música punk. Fundó'l grupu Sonic Youth en 1980. De magar, Thurston Moore tuvo a la vanguardia de la escena del rock alternativu. Con Sonic Youth, Moore convenció a toa una xeneración na importancia de la esperimentación nel rock´n´roll inspirando a grupos mozos como Nirvana. Anguaño interpreta y graba en solitariu, con dellos grupos y cola so propia banda.



A 12-Strings Acustic Solo Concert ye'l so nuevu show íntimu con nuevu material. Un set especial con proyecciones de vídeu como fondu visual y Thurston en solitariu tocando la guitarra acústica de 12 cuerdes y recitando la so propia poesía.



Un show esperimental cargáu de la poesía d'un artista que básicamente puede faer cualquier cosa con una guitarra.