Tachenko + Afterparty

12ª NON ANIVERSARIU DE LA BOLA

Un 26 d'agostu de 2005 abría les sos puertes de par en par la Bola de Cristal n'Uviéu. Xusto 12 años dempués, otru 26 d'agostu, la Salvaje volverá recordar mientres unes hores l'espíritu d'esos díes qu'entá sigue vivu en munchos de nós.

Anguaño, amás, de manera bien especial, yá que vamos poder ver en directu a unu de los grupos que formaben parte de la banda sonora nocherniega de la Bola, Tachenko. Sebas Puente y Sergio Vinadé tornen a Uviéu en formatu dúo presentando'l so 'Misterios de la canción ligera'.

Y ye que podríamos arriesganos a dicir que nun hubo nueche dalguna na que nun sonara unu cantar de los de Zaragoza. Conciertu en clave de pop con mayúscules para recordar ese pequeñu rincón del Uviéu Antiguu.


La nueche va siguir, poques gracies, na cabina de la Selvaxe, colos ritmos endiablaos de:

- David Salvaje;

- Dj Rambaldy;

- Not enough Dj´s..