Sidecars / APLAZÁU

Sidecars son unos héroes del rock español, porque s'encargaron de caltenelu vivu. Discu a discu, y conciertu tres conciertu, Juancho (voz y guitarres), Gerbass (baxu) y Ruli (batería) demostraron que'l llinguaxe de la cai sigue siendo relevante y les guitarres, un mediu d'expresión que nun pasará de moda.

Herederos de nomes clásicos como Burning y Los Rodríguez, Sidecars consiguieron facer un nome de forma gradual, pero segura. Va yá doce años d'un homónimu debut al que siguió 'Cremalleras' (2010), dende'l que too seríen aciertos como 'Fuego cruzado' (2014), el direuto 'Contra las cuerdas' (2016) y 'Cuestión de gravedad' (2018), poniéndose en boca de toos y entemeciendo a xeneraciones diverses nunos espectáculos que cada vegada diben sumando más siguidores.

Agora presenten 'Ruido de fondo' (2020), un sestu trabayu con puñetazos y afalagos, enllenu de cantares que peguen duru al corazón producíos por Nigel Walker, el so home de confianza.