Rodrigo Cuevas: 'Trópico de Covadonga'

  • Música

Fecha: 

Sábadu, Avientu 21, 2019

Hora: 

20:30h

Preciu: 

Foso y patio de butacas: 18e / Palcos y anfiteatro: 15e

Llugar: 

La Llaboral

Conceyu: 

  • Gijón/Xixón

Tres l'ésitu de la so xira anterior per tol Estáu, Rodrigo Cuevas, l'artista más inclasificable del momentu, presenta'l so espectáculu nuevu: 'Trópico de Covadonga'.


Axitación folclórica y electrónica; divismu de campu y humor; erotismu elegante; hedonismu y celebración de los derechos innegociables; coreografíes contemporánees hermoses; una puesta n'escena qu'axunta elementos vintage xunto con videuproyeiciones; y un vestuariu que, una vez más, nun dexará a naide indiferente, conxúguense nuna fórmula qu'a tol mundu-y gustaría clonar pero que naide, esceuto él, sabe cómo.


'Trópico de Covadonga' ye'l tercer espectáculu escénicu en solitariu de Rodrigo Cuevas depués de 'Electrocuplé' y 'El Mundo por Montera'. Con esti últimu percorrió infinidad d'escenarios pel Estáu y fuera d'él (Lima, Londres, Roma, Frankfurt...), con más de cien actuaciones repartíes por dalgunos de los meyores festivales (de teatru, de música, de poesía, etc.), asina como en teatros y auditorios de les ciudaes más importantes.


'Trópico de Covadonga' ye'l paralelu que pasa per Cuadonga, un trópicu inventáu qu'atraviesa Asturies pero que da la vuelta al mundu. Ésa ye la perspeutiva que Cuevas escueye pa mirar dende un puntu alloñáu d'etnocentrismos. Por eso nel espectáculu vindícase a un bon númberu de persones del mundu rural y tamién urbanu: un paisanaxe que lu fai mirar al pasáu d'una forma romántica y idealizada. Porque la tresmisión oral non sólo supón compartir conocimientos y arte, tamién valores; los valores d'una comunidá.

Zircon - This is a contributing Drupal Theme
Design by WeebPal.