Rockin' Robins

Banda qu'homenaxa'l rock and roll clásicu, nun averamientu acústicu a esos grandes cantares con marcáu raigañu norteamericanu resultando una música cenciella, melodíes direutes y muncha diversión, con un formatu escarnáu pero tremendamente efeutivu. Clásicos del rock, del country y del pop de los años 50 y 60, ensin escaecer esi gran resurdimientu rocker de los años 80.

Rockin' Robins son músicos con una esperiencia amplia en proyeutos distintos, que saben tresmitir esa enerxía y espontaneidá tan xunida a estos estilos: Roberto Egocheaga, líder de los míticos Cohetes (voz y percusión); Gustavo Pérez, vocalista y guitarra en Blues & Decker (guitarra acústica); y Emilio Ribera, participante d'inciatives tan varies como TYFPE y Ribera, y músicu con Marisa Valle Roso (guitarra eléctrica).