Ricky Martin

Ricky Martin llega con un espectáculu impresionante que cunta con estraordinarios xuegos de llume, diseñaos con más de 150 lluces móviles y cinco pantalles de vídeu d'alta definición; una moderna escenografía en sincronía col aspeutu visual y musical; cambeos de vestuariu y vibrantes coreografíes, complementen la proyección escénica del artista, quien dende'l primer momentu cautiva l'atención del públicu.


L'artista apúrrese al traviés de les cuatro fases qu'entienden el show: dance, rock, balaes y tribal, con un repertoriu que tresporta a l'audiencia por distintos estaos emocionales y rítmicos, al empar que nos tresporta pola so amplia trayectoria musical.


Ésitos como Come With Me, She Bangs, La Mordidita, Tal Vez, Livin´ la Vida Loca, Pégate, Adiós, La Bomba, Cup Of Life, Asignatura Pendiente y el so recién Vente Pa´Ca, ente otres, son parte del repertoriu que los sos siguidores van poder esfrutar nesta nueva xira.


Amás, el cantante aprovecha cada cita col públicu p'afitar la so llucha contra la trata humana, una xestión humanitaria qu'enría al traviés de la fundación col so nome y que la so prioridá ye trabayar pol bienestar de los neños en riesgu por mediu de programes que fomenten la educación, la salú y la xusticia social.