'Representando a... Karin', de Trama Teatro

Montaxe nel qu'actu tres actu amiéstense a manera d'un puzzle les sos pieces: ficción, realidá y tiempu son los factores colos que xuega l'autor, moviéndolos con habilidá y consiguiendo qu'encaxen ente sí. Ye una obra d'intriga qu'atrai al espectador y sorprende-y con cada movimientu de los dos personaxes que coles sos medranes, egoísmu y esperanza, enconten n'ocasiones reaiciones imprevistes. Ella, cola so inxenuidá y allegría. El, griespu dacuando, vuélvese simpáticu y cariñosu otres.

Too ello llévanos a pasar de lo tráxico a lo risible casi ensin danos cuenta. ¿Ye teatru dientro del teatru? ¿Quier ser violencia de xéneru? ¿Trátase d'un xuegu? ¿Hasta ónde pue llegar 'el xuegu'?