'A protestar a la Gran Vía', d'Espectáculos Arlequina

Pensar una cosa, dicir otra y facer la contraria ye un exerciciu d'equilibrismo mental al algame de pocos. Hai xente que lo consigue; al resto siempre-y queda dir a ver 'A protestar a la Gran Vía'.

Pue que'l rasgu más interesante del ser humano sía la so capacidá pa ser absolutamente incongruente, pero, ensin dulda, el segundu, y entovía más inquietante, ye la so incapacidá pa dase cuenta d'ello. Y ye que los errores nunca son culpa de nueso; son obra d'esi coleutivu tan omnipresente como enigmáticu que ye 'la xente'.

Nós, nel nuesu enfotu por ser absolutamente humanos, y absurdos, vamos esplorar les esquines de les nueses incongruencies parapetándonos precisamente na xente y el so talentu enorme pa la protesta, porque, oyi, ¡la xente quéxase, y muncho!