'Por ventura un no sé qué', de Breza Cecchini

L'artista asturiana Breza Cecchini Ríu (Uviéu, 1976) presenta nel Muséu Barjola una ecoyeta de les sos últimes obres que tien por títulu 'Por ventura un no sé qué', inspiráu nel poema 'Glosa a lo divino' de San Juan de la Cruz.

Les obres de Cecchini son, nesta ocasión, intensos apuntes emocionales. El so arte reflexivu y meditativu conviértese nel mediu pa comunicar les sos esperiencies –o sí cabe les sos 'non esperiencies'–, como San Juan de la Cruz utilizaba los sos poemes, onde'l llinguaxe facíase dacuando insuficiente. Asocede daqué paecíu a cuando, en contemplando un fechu maraviyosu, fáltennos palabres pa describilo. Ye, a última hora, cuando surde la maxa del cimeru actu de crear.