'Planeta Joselín', de Guayominí Producciones

Comedia asturiana d'enriedu sobro cuestiones del día ente día, con situaciones, personaxes y referentes perfectamente reconocibles pol públicu. La obra cuenta con dos llínees d'aición. D'un llau, la historia d'un adolescente, Joselín, que vive nel 'Tocote' colos sos padres, Enedina y Claudio. El mozu estudia nuna escuela taller y ta namoráu d'una moza llamada Leyre. Pa conquistala va contar colos sos colegues, Amador y Titín, y colos inestimables conseyos del so padre.

Paralela a esta hestoria ta la d'Enedina, qu'escuende un escuru secretu del pasáu col qu'agora tendrá d'enfrentase y que va favorecer una sucesión d'acontecimientos esbarriaos. Nun va faltar hasta un 'malu-malísimu' llamáu Pandiella.