'Pangea', de la Banda de Música de Gijón y Abraham Cupeiro

Hai unos 200 millones de años nel nuesu planeta esistía un únicu y xigantescu continente: Panxea. Ésti entamó a dixebrase y, col pasu del tiempu, dio llugar a los diferentes continentes actuales como los conocemos. El viaxe que propón esti conciertu ye la xunión per aciu de la música de les diferentes partes del planeta. Panxea.

'Pangea' ye un espectáculu didáuticu y amenu qu'avera a otres cultures, con música orixinal d'Abraham Cupeiro y María Ruiz. Nel conciertu sonarán dende l'austral Oceanía colos ecos de les sos cuernos, hasta los misteriosos montes chinos que'l soníu del hulusi dibuxa coles sos melismáticas melodíes; grandes llanures como les de Norteamérica, selves como les de Sudamérica, la flauta peule de Senegal, la gaita búlgara, la desafiante zurna y les milenaries cornas de pastor coserán el vistíu qu'aunirá una vegada más la nuesa tierra.

'Pangea' ye un cantu a la diversiá cultural del nuesu planeta.