Pallabra: Emilio del Río

L'escritor Emilio del Río (La Rioja, 1963) desembarca n'Avilés nun alcuentru enmarcáu nel ciclu 'Pallabra' que va sirvir de presentación del so llibru últimu, 'Pequeña historia de la mitología clásica' (Espasa, 2023). Ye una obra pensada pa llectores de toles edaes y pal gran públicu col oxetivu de que disfruten col fascinante mundu de los mitos clásicos y s'emocionen con rellatos maraviyosos sobre dioses, héroes y seres humanos estraordinarios que fixeron fazañes increíbles: viaxes ablucantes, descubrir llugares fantásticos o descubrir cómo un héroe valiente derrotó a un horrible xigante d' un solu güeyu en metá de la frente.