'Pagliacci' / 'Una tragedia florentina'

'Pagliacci' de Ruggero Leoncavallo ye una de les obres cume del verismu italianu. La ópera, estrenada en el Teatro dal Verme de Milàn nel 1892, trátase d'ún de los títulos más notables y de más ésitu del compositor.

El llibretu basáu nun cuentu de Giovanni Verga, describe una historia terrible d'amor onde los celos, la pasión intensa y los sentimientos elementales y violentos ocupen un puntu central na narración. La influencia de Wagner ye obvia na su utilización del motivu conductor y na densidá del texíu orquestal. Nesta obra destaca una de les aries pa tenor más cantaes de tol repertoriu, 'Vesti la giubba', y ye igualmente célebre'l fragmentu 'No! Pagliaccio non so'.

'Una tragedia florentina', con música d'Alexander von Zemlinsky y llibretu basáu na obra homónima d'Oscar Wilde, represéntase per primera vegada n'Uviéu. L'argumentu tien influencia del cinismu de la obra de Wilde, la perversión de los valores, la falsa moral, l'amor como negociu y el crime como recursu pa llevar beneficios, que carautericen el simbolismu de la obra. La partitura representa'l punto culminante na producción de Zemlinsky combinando la herencia de la polifonía de la música de cámara brahamsiana y el cromatismu de los últimos románticos, Strauss y Schreker.

PAGLIACCI
Drama en dos actos y un prólogu estrenáu nel Teatro Dal Verme de Milàn el 21 de mayu del 1892.
FICHA ARTÍSTICA

• Canio: Diego Torre.
• Nedda: María Katzarava.
• Tonio/Prólogu: John Lundgren.
• Beppe: Juan Noval-Moro.
• Silvio: Isaac Galán.

UNA TRAGEDIA FLORENTINA
Ópera nun actu estrenada nel Württembergisches Staatstheater de Stuttgart el 30 de xineru del 1917.
FICHA ARTÍSTICA

• Guido Bardi: N.N.
• Simone: Robert Mellon.
• Bianca: Maite Alberola.
• Direición musical: Will Humburg.
• Direición d'escena: Guy Joosten.

Nueva producción de la Ópera de Oviedo.
Orquesta Sinfónica del Principáu d'Asturies.
Coro de la Ópera de Oviedo.