Ondina

Caleidoscopiu Teatru
Al traviés de los güeyos despiertos, inquietos, ablucaos, curiosos ya inocentes d'una neña, Ondina quier amosanos el valor de los "héroes cotidianos", de los pequeños xestos, que sumaos pueden tresformar la realidá. Nun espectáculu que narra les peripecies d'Ondina Glups cuando s'atopa con un oxetu máxicu, desencadénense un cientu d'aventures pela mar salada. Nueves amistaes, nuevos retos y el resolvimientu d'un misteriosu enigma tubular, que vamos compartir y esfrutar. Con Ondina pretende unviase un mensaxe positivu al traviés de les imaxes, la música, la palabra, la lluz, la poesía, los oxetos, les mázcares y los moñecos, pero ensin sermonear, tratando a neños y neñes como seres intelixentes, con capacidá pa sacar les sos propies conclusiones.

Intérpretes: Azucena Gimeno, Vicente Martinez, Roberto Barra, Yolanda Corrolada, Javier Rivases
Públicu: Familiar
Duración: 60 minutos