'Nunca nun se sabe', d'Higiénico Papel

Un día cualesquier la vida apacible de dos vieyes aparentemente inofensives vese ximelgada pola llegada d'un certificáu. Tratase d'una carta oficial onde-yos comuniquen que la so vivienda tien de ser inspeicionada darréu.

Esti fechu, xuníu a otres visites inesperaes, va desencadenar una serie de situaciones estremes que van sacar a la lluz tolos sos macabros secretos celosamente guardaos mientres años. Una comedia lloca, catalogada nel costumismu punk, entemeciendo elementos tradicionales del humor asturiano más socarrón cola más intensa actualidá: humor prieto en carne vivo.