'Nunca nun se sabe', d'Higiénico Papel

Un día cualesquier la vida apacible de dos vieyes aparentemente inofensives vese atayada pola llegada d'un certificáu. Trátase d'una carta oficial onde-yos comuniquen que la so vivienda tien de ser inspeicionada darréu. Esti fechu, xuníu a otres visites inesperaes, va desencadenar una serie de situaciones estremes que van sacar a la lluz tolos sos macabros secretos celosamente guardaos mientres años.

'Nunca nun se sabe' ye una comedia esbarriada, catalogada nel costumismu punk, entemeciendo elementos tradicionales del humor asturiano más socarrón cola más rabiosa actualidá. Humor prieto en carne vivo.