'Nunca llueve a gusto de todos', de Vaquero & Clavero

L'espectáculu últimu de José Juan Vaquero y Alex Clavero ye un show qu'axunta sobre l'escenariu a dos de los meyores cómicos del Estáu, qu'amuese en clave d'humor les dos cares d'una mesma moneda. Y ye que yá se sabe que lo meyor que te pue pasar a ti quiciabes nun sía lo meyor que me pue pasar a min.

'Nunca llueve a gusto de todos' nun tien complexos, ye direutu y inxeniosu. Nada que ver colo qu'estos artistes muestren na televisión o na radio. Un humor fechu para disfrutalo en teatros y salas y gociar de l'astucia d'estos dos grandes cómicos.