'No hay mejor defensa que un buen tinte'

Comedia con tintes absurdos y surrealistes, a mediu camín ente'l sitcom televisivu y el culebrón mexicanu, habitáu por trés llocos personaxes qu'unes vegaes paecen salíos d'una novela de García Márquez y otres d'una película de Berlanga. La obra ye parte d'una triloxía sobre'l secuestru. Les rancheres mexicanes, la vengación, los secuestros y los heriedos son temes recurrentes nel autor a partir de los cualos somórguiamos nun mundu con personaxes que son felices víctimes de les sos obsesiones y los sos mieos.

Fer –encegoláu cola verdá– y Martha –mentirosa compulsiva– abren una peluquería en Madrid y contraten a Gustavo, estilista canín que busca la so oportunidá col pelo humano. Tres delles selmanes sospechosamente tranquiles, l'ésitu llega a la peluquería y con él dos peligrosos ximielgos que reclamen a Martha, la so madre, l'anticipu d'un heriedu millonariu. Fer, Martha y Gustavo –improvisaos y castizos 'Ánxeles de Charly'– tendrán de xunise y utilizar les sos distintes habilidaes pa lluchar contra los dos nuevos enemigos. Nesta guerra lloca, déxense peluques, tisories y tintes. Solo l'aburrición ta prohibida.

Intérpretes: Fran Arráez, Mario Alberto Díez y Carmen Navarro.
Direición: JuanMa Pina.
Producción: Montgomery Entertainment.