'Mariana Pineda', de GG y Saga Producciones

  • Teatru

Fecha: 

Vienres, Ochobre 30, 2020

Hora: 

20.15h

Preciu: 

De 12 a 22 euros

Llugar: 

Teatru Palacio Valdés

Conceyu: 

  • Avilés

Mariana Pineda, la llexendaria heroína lluchadora pola llibertá qu'inmortalizara Federico García Lorca, cobrará vida nel Teatru Palacio Valdés na piel de Laia Marull. Personaxe históricu y lliterariu, Mariana Pineda encarna a la muyer que se rebela contra tolo establecío na sociedá, movida por un sentimientu fondu de llibertá.

Javier Hernández-Simón toma'l mandu d'esta función cola so particular pero fiel interpretación de la obra del xeniu granadín, autor de la versión, y direutor asinamesmo, d'un repartu coral qu'encabeza Marull. Xunto a ella, ocho intérpretes d'esperiencia amplia sobre les tables: Aurora Herrero, Marta Gómez, Silvana Navas, Sara Cifuentes, Óscar Zafra, Álex Gadea, Fernando Huesca y José Fernández.

El Teatru Palacio Valdés devuelve l'importe de les entraes pa 'Mariana Pineda' a los residentes de fuera d'Avilés que nun puedan acudir pol zarru perimetral del conceyu, pa lo qu'han d'escribir al corréu plafuente@aviles.es incorporando'l llocalizador de la merca enantes de les 18 hores del día de representación de la obra.

Zircon - This is a contributing Drupal Theme
Design by WeebPal.