'MünsterStudio'

Münster ye un pequeñu estudiu de diseñu gráficu y ilustración fundáu nel 2010 y con base d'operaciones en Barcelona. Dende'l principio empiecen a serigrafiar los sos diseños nel so propiu taller pa combinar el diseñu gráficu con téuniques d'impresión artesanales. Mientres estos años trabayaron con pila de bandes de música de diversos tamaños y procedencia, organizadores de conciertos, editoriales de llibros, marques y compañíes de teatru.

El so trabayu foi reseñáu en prensa especializada y foi gallardonáu col Premiu Enderrock a la Meyor Portada del 2011 y el Premiu MIN al Meyor Diseñu nel 2016. La esposición va recoyer una escoyeta de los cartelos creaos mientres los últimos años, de conciertos na so mayoría, pero tamién pa teatru, col común de tar toos impresos en serigrafía nel so taller propiu.