LXXV Temporada de Ópera de Oviedo: 'Norma'

'Norma' ye quiciabes una de les grandes óperes de Bellini, del repertoriu belcantista y de tola historia del xéneru. El llibretu, de Felice Romani, ye una adaptación de la traxedia d'Alexandre Soumet 'Norma ou l’infanticide' (1831), basada al empar na obra 'Les Martyrs de Chateaubriand' (1809) y nel mitu de Medea.

Ambientada nel mundu de los druides de la Galia, narra los amores de Norma, fía del Gran Sacerdote de los druides Oroveso, y un militar romanu. Celos, venganza, traición, piedá materna, amor apasionáu y redención constitúin los elementos carauterísticos d'esta ópera de Bellini que representa la síntesis ente'l Neoclasicismu y un Romanticismu entovía incipiente.

• Repartu: Pollione (José Bros y Diego Godoy), Oroveso (Giacomo Prestia y Luis López Navarro), Norma (Julianna di Giacomo y Berna Perles), Adalgisa (Paola Gardina y Anna Pennisi), Clotilde (Serena Pérez) y Flavio (Facundo Muñoz).
• Direición musical: Renato Balsadonna.
• Direición d'escena y diseñu de vestuariu: Mario Pontiggia.
• Diseñu d'escenografía: Antonella Conte.
• Diseñu d'illuminación: Alfonso Malanda.
• Direición del coru: Pablo Moras.

Orquesta Oviedo Filarmonía y Coro Titular de la Ópera de Oviedo (Coro Intermezzo).